(Friday , 20 February,2026)
mountainejournal.com
काठमाडौँ । २१ फागुनमा तोकिएको निर्वाचनमा खर्च गर्ने उद्देश्यले अलग्गै बैंक खाता खोल्न निर्वाचन आयोगले दिएको निर्देशनअनुसार हालसम्म ६ वटा राजनीतिक दल र ७ सय ३३ उम्मेदवारले खाता विवरण बुझाएका छन् ।
निर्वाचन आयोगका अनुसार हालसम्म कांग्रेस,जनता समाजवादी पार्टी,राष्ट्रिय जनमोर्चा,नेपाली कम्युनिस्ट पार्टी (नेकपा),नेकपा (संयुक्त) र नेपालका लागि नेपाली पार्टीले मात्र खाता विवरण बुझाएका छन् ।
प्रत्यक्षतर्फ ३ हजार ४ सय ६ जना उम्मेदवार मैदानमा छन् । तीमध्ये ७ सय ३३ जनाले मात्र विवरण बुझाएका हुन् । निर्वाचन आयोगका सहायक प्रवक्ता कुलबहादुर जिसीका अनुसार जम्मा २२ प्रतिशतले मात्र निर्वाचन प्रयोजनका लागि अलग्गै खाता सञ्चालनमा ल्याएको जानकारी दिएका हुन् ।
निर्वाचन आयोगले भने पारदर्शीता र सुशासनका लागि अलग्गै खाता खोल्न निर्देशन दिएको थियो । अधिकांश दलका उम्मेदवारहरूले आफू खाता खोल्ने तयारीमै रहेको भन्दै आएका छन् ।
प्रतिक्रिया